Foniylik Yo'lidan tashqarida

Annotation

Foniylik Yo‘lidan Tashqarida (foniylik - o'zbek tiliga o'limga mahkumlik yoki o'limli degan ma'noni anglatadi) Inson o‘zligini yo‘qotmasdan borliq chegaralaridan oshib o‘ta oladimi? Kael hech qachon oddiy hayot kechirish uchun yaratilmagandi. Uning mavjudligi ortida sirli tajribalar, yashirin maqsadlar va javobi noma’lum savollar yotardi. Ammo kutilmagan hodisa hamma narsani o‘zgartirib yubordi. Osmondan tushgan, tirik kumushni eslatuvchi g‘alati modda voqealar rivojini butunlay boshqa yo‘nalishga burdi. Sirli ko‘zgu. O‘n uchinchi qavat. Mavjud bo‘lishi mumkin bo‘lmagan olam. Kael o‘zini sehr va qadimiy kuchlar hukmronlik qiladigan, elflar, jinlar va ajdarlar yashaydigan noma’lum dunyoda topadi. Bu olamning har bir siri yangi savollarni tug‘dirar, har bir qadam esa uni o‘z mavjudligining tub mohiyatiga yaqinlashtirardi. Ammo Kael uchun eng katta jumboq tashqi dunyoda emas, balki o‘zining ichida yashiringan bo‘lishi mumkin. U kim? Nima uchun aynan u tanlangan? Va inson o‘z chegaralaridan oshib o‘tganda, uni inson qilib turgan narsalar saqlanib qoladimi? Ba’zi yo‘llar kuchga olib boradi. Boshqalari esa foniylik chegarasidan ham nariga.